Anavon

cumpariu 1990 secunda ediziun 2009
Alexi Nay (cant, clavazin, flauta) Marcus Hobi (cant, ghitara) Aschi Frei (percussiun) Thomas Probst (cello) Mario Giovanoli (saxofon, flauta) Judith e Roswitha Scherrer (cant)
01. Vinavon anavon Dapli casas, dapli vias
Dapli beton, dapli, dapli
Dapli autos, dapli armas
Dapli daners, dapli, dapli

Onn per onn vinavon
Anavon, anavon
Vinavon onn per onn
Onn per onn vinavon

Construir, baghegiar
Construir vias e casas e punts
Catschar alla mort il mund
Destruir, devastar, destruir

Pli pauc cultira, pli pauc cultura
Pli pauc uaul, pli pauc, pli pauc
Pli tschuff’aria, pli tschuff’aua
Pli tschuffs daners, pli tschuff, pli tschuff

Luvrar, gudignar, luvrar
Di e notg, oz e damaun
Catschar alla mort il carstgaun
Consumar e spargnar, consumar

Vid las rosas tacc’ il saung
Adina pli paucs che crein en damaun
Adina pli biars che han sgarschur dil futur
Tes mauns ein da saung e tegnan la flur

Adina pli spèrt a cavagl viers la fin
La ros’enta pugn a cavagl incontin
Anavon, anavon, a cavagl viers igl ur
Tes mauns sanganai han uss piars ina flur
4:27
text e musica
Alexi Nay e Marcus Hobi
02. Politica Vul ti far politica
Tier il schnec a scola va
Lez ei dapertut a casa
E pertut la corna trasa

Vul ti far politica
Tier il gat a scola va
Fai il leischen vuschs enquera
Ed a tuts fai biala tschera

Vul ti far politica
Tier la cagli'a scola va
Lezza vidaneu segeina
Mintgamai scol vent ordeina

El dat a tuts il maun, siu rir ei renomaus
El ri mussond ils dents e tons che fan applaus

El ei in um da tuts, dalla publicitad
E ton ha el empriu: paret'ei schon in tschuat

El ei adina fins, silmeins el setrer en
Quei sei fetg impurtont, sch'ins ha lu fors'el senn

Da far carrier'in di, vul dir da far daners
E quei ei gnanc schi lev, cunzun sch'ins ei sincers

El ha buc tralaschau d'ella partid'entrar
El ei ius en quei club per ensiviars ruschnar

Ruschnar va memia plaun, spèrt vul el s'avanzar
El letga tscheu e leu e leischn'ad in lischnar

Mo ussa leis saver, tgi ei quei um, nevé
El ei ni pur ni prer, el ei er buc calger

Quei ei il pir mes cars, jeu sai buc tgi ch'el ei
Jeu sai mo tgei ch'el far, quei vi jeu uss cantar

Politica

El ei in galantum, gravatta, tschiep, capi
Cofretta enta maun, ei quei buc zatgei bi

El ha quei dun special: tschintschar e dir nuotzun
Premissa seigi quei per gnir zacu sisum

Pil pievel ha'l luvrau l'entira veta o
Quel dueigi saver grau, buc reclamar traso

En plaids di el meinsvart da quei ch'el sez buc crei
Sch'ins di ei perschuadent laguot'il pievel ei

Da giuven vev'el plans, schi bia lev'el midar
Culs onns ha el denton entschiet a resignar

Oz eis el in da quels eh'el leva mai vegnir
Mo senza cumpromiss fuss el buc aschi ensi

Uss matei saveis tgei che quei bien um fa
Vus tuts enconuscheis siu far e demanar

Vus tuts veis enzacu udiu el a tschintschar
Gidei mei a cantar tgei che el propi fa

Politica

Tgei fa quei um in di cul sa buc regitar
Cul sa buc misterlar, cul po buca pli far

Politica
4:28
text e musica
Alexi Nay e Marcus Hobi
03. Praula d’atun Era ella buc la matta
Matta cun ils marenghins
Ier e stiarsas silla platta
Sin Canals e Surmulins

A sulegl eis ella stada
Liunga piaza spel badugn
Ha mirau sur la vallada
Giu sil vitg e siu murmugn

Ha scurlau cun fatscha leda
Ses batlinis, ses plumatschs
Ei lu stada tut cun peda
Contemplond ils vegls spinatschs

Marenghins sco fiug che brischan
Ha'la spons vid mintga rom
Mellens, cotschens che tarlischan
Ella triembla, el cagliom

Ei lu stada si ed ida
Senza prescha da cheu si
Egl uaul ei'la svanida
Si eIs grugns davos gl'ischi

Era ella buc la matta
Matta cun ils marenghins
Ch'ei sesida silla platta
Ha svidau tut ses cussins

Si dils bass ei la brentgina
Seruscbnada sur il tgiem
Uss la matt'ei buc adina
Tem, jeu tem, prest vegn gl'unviern
2:36
text
Flurin Darms
musica
Alexi Nay e Marcus Hobi
04. Tiara mia Igl ei sco fusses jastra
Capeschel buc pli tiu lungatg
Ti eras schi datier da mei
Ussa vas ti per tiu fatg

Tiu patertgar va autras vias
Nos siemis ein aschi differents
Propi secapin nus
Mo aunc per muments

EI profund da mei zanua
Hai jeu tei schi fetg bugen
Trests sun jeu che ti eis ida
Il davos temps schi lunsch naven

Jeu sai buc tgei che renta
Mei schi ferm vid tei
Sulettamein jeu sentel
Ragischs profundas sei

Senza tei sai jeu buc viver
E cun tei sai jeu buc star
Eis ti naven, laschel encrescher
E lu en tei, lessel sbrigar

Ti has tontas fatschas
Eis uss schon autra che anson
Ti eis la scuidonza
Ti has in cor schi grond

E biars has fatg serender
Vi e dalla val giuado
Leu lain els encrescher
Per tei ina vet'o

Per quels ch'han la pussonza
Stos render, eis mo object
Ti vegnas surduvrada
Ei maunca il respect

Ti eis mia tiara
E miu esser ei spartius
Jeu vegnel buc naven da tei
Perquei sun jeu buc ius
4:04
text e musica
Alexi Nay e Marcus Hobi
05. En quella tiara Savevel nuot
Da quella tiara
Afuns egl esser da nus dus
Entochen quei di
Ch’essan sfundrai
En la tiara blaua-verda
Da nos egls
Teilas, cavellera e nos mauns
Aunc pli afuns
Afuns en quella tiara
Savevel nuot
Da quella tiara
Il gust da nossa pial
Levzas e curals da suadetsch
Enzanua ina lieunga, tiu lungatg
Sfundrein aunc pli afuns
En las teilas blauas verdas
El flum spimont da nies intern
Savevel nuot
Da quella tiara
Sentin quei cuort mument perpetnadad
El cauld da quella tiara
Sentin quei cuort mument perpetnadad
Il pli afuns en nus
Savevel nuot
Da quella tiara
Afuns egl esser da nus dus
3:25
text e musica
Alexi Nay e Marcus Hobi
06. Siemi Po esser ch'jeu sbagIiel e fetschel embrugl
Po esser ch'jeu sperel e tut ei finiu
Denton ei il siemi da tei aunc en mei
Po esser ch'eI varga, svanescha vonzei
Po esser ch'el tuorna adina puspei

Adina ir suenter a quels ch'ein davon
Luvrar, obedir, maridar, ver affons
Ti vas en rudi che ti strusch sefas en
In di ei sco I'auter adin'il medem

Ei quei uss stau tut, has ti detg lu in di
Tgisa sche ei suonda insumma nuot pli
Ei quei stau Ia veta, has ti dumandau
La veta entira sa'i buc esser stau
Ei stoppi segir bein vegnir aunc empau

Sche quei sei stau tut, vevas ti detg a mi
Sch'ei suondi uss propi insumma nuot pli
Quei sei buc la veta sco'l siemi da tei
Ei stoppi bein gleiti vegnir enzatgei
Ti vevas il siemi adin'aunc en tei

Ti levas mo viver avon che murir
Schar star las cadeinas e semplamein ir
Suls tiarms che ils auters havevan mess si,
Ti levas aunc viver e per lu murir
3:12
text e musica
Alexi Nay e Marcus Hobi
07. Mia val Jeu audel il tun
Da crappa, tratsch e fier
La val vegn devastada
Ed jeu, jeu mirel tier

Jeu vesel co ei crodan
Pégn per pégn, gl'entir uaul
Miu griu vegn stinschentaus
E la mort va tras la val

In di vegn ina notg
Ina notg vegn sur da nus da bi clar di

Jeu sentel co 'la trembla
Mia tiara, mia val
Vegns scavada, betunada
Tias plagas fan schi mal

Jeu sundel quella tiara
D'ella vegn, tier ella mon
Medem'ei nossa sort
Ensemen mein nus a vargond

In di vegn ina notg
Ina notg vegn sur da nus da bi clar di

Ord la tiara betunada
Crescha fors'in di zerclem
Forsa nescha nova veta
Enzacu suenter la fin

Ina notg vegn in di
In di vegn fors'enzacu da mesanotg
2:59
text e musica
Alexi Nay e Marcus Hobi
08. Fatschas Ded esser miu amitg ti bein sinceras
En fatscha fas ti cumpliments daveras
E laudas tut da tgau
Entochen pei
Mo volvel jeu il dies
Lu paupra mei

Sia vera fatscha
Tgenin'ei quei pomai
El mida la cassacca
Sco ei par'e plai
Gest tenor la situaziun
Fa el sia elecziun

El fa biala tschera
Discurrend cun mei
Quei rir svanescha prest
Sch'jeu sun naven puspei
El ei scheni en s'adattar
En semidar e semascrar

Tschontsch'el cun mei: quella fatscha
Cun tei: tschella fatscha
Mo enzanua leu suten
Sut quellas mascras en
Sto el bein esser il medem

El mei semper lauda
Fa cumpliments tut spess
Tertgar tratg'el tut auter
Per el va quei buc vess
Sco ina siarp sestorscha el
Empruond da far belbel

El ha pauc curascha
Ad el sas buc fidar
Per raps ni avantatgs
Lai el sesez cumprar
Siu bien amitg sa el tradir
E nuotzun turpetg sentir

Tons sco el secattan
En nossa societad
Quellas fatschas faulsas
Ein buca raritad
Dad aschi paucs sas sefidar
Quell'experienza hai stuiu far

Tschontsch'el cun mei: quella fatscha
Cun tei: tschella fatscha
El sa sez buc tschien prozent
Tgi ch'el ei propi leu suten
Sut tut quellas mascras en.
4:22
text e musica
Alexi Nay e Marcus Hobi
09. Sault d’atun Las mattas raschlan la fegli'en curtgin
Tut cotschnas sgolan las rassas
Il vent carsina davos carsin
La feglia, las fluras ein passas

Las mattas raschlan la fegli'en curtgin
Lur vestas cotschnidas, lur teilas
Las raschlan cun peda e raschlan fin
E raschlan siemis e steilas

E vegn prest gl'unviern cun freida snavur
Jeu aud'lur canzun sper la geina
Pér gaud'il sulegl e dai plaid all'amur
Lai ual sche la feglia scadeina

Las mattas raschlan la fegli'en curtgin
Ed ina ei mia muronza
Jeu hai buca tema da freid e sgurdin
Nus essan uni en fidonza

Jeu sai ch'ella ha mei bugen tut zun
Sur stad noss'amur ei restada
Ed ella ei biala sco'l gi d'atun
Che uss sur brentginas s'instrada
2:26
text
Flurin Darms
musica
Alexi Nay e Marcus Hobi
10. Da brentina Ei era brentina quei di
Ch'els ein i maun a maun
Dalla val enasi
La tiar'era cauld'
Ed il tschiel schi datier

El grisch da brentina ein els
Lu spari ord levsenn
Ni fors'er da bugen
EIs eran en dus
E la tiara cun els

Quei di da brentin'ei'l sulegl
Buc levaus mobein morts
Ed els dus ein restai
Cul grisch e buc i
Cul sulegl a murir

In di ha in vent sfugentau
La brentina siado
Dalla val e negin
Ch'ha viu enzatgei
Che regorda dad els

Mo fors'eran els quei tec fem
Che ha ditg teniu petg
Cun il vent mo Iu piars
Il cumbat e stulius
Davos si dil grond cuolm
3:19
text e musica
Alexi Nay e Marcus Hobi
11. Sias canzuns Canzuns che brischan, van sil viv
Che tuccan plagas, dattan fiug
Ch'untgesehan buc il malsegir
Che provocheschan el dretg liug

Canzuns sinceras che fan mal
Che penetreschan tochen funs
Midond la perspectiva e
Che fan veser nus auters munds

Canzuns che ardan, fan glischar
Ils egls da quels che teidlan tier
Che ein verdeivlas senza che
Ins metti chichergnems vitier

Canzuns ch'enqueran e che van
Buc ell'ureglia a mintgin
Che piardan buca la valur
Schebein il temps va incontin

Quei ein canzuns ch'el cantava
Ed jeu sai co el hassiava
Da cantar canzuns cun ni coc ni senn
Quei ein canzuns ch'el cantava
Ed jeu sai co el hassiava
Da cantar canzuns in tec denteren per divertiment
Canzuns che vevan nuot da dir
Che vevan mo dad obedir
Quellas pudev'el buc cantar
El vev'in auter repertuar

Canzuns che crodan sco'l cametg
E tegnan pètg a tuts stempraus
Che battan senza faulsadads
Ch’enqueran buc mo igl applaus

Canzuns ch'entscheivan en a grir
Sch'il cant po buca tonscher pli
Che neschan enafuns el cor
E vulan dar il maun a ti

Canzuns che vivan e san rir
Ch'ein trestas gest sco jeu e ti
Che ins emblida per quei di
Cur ch'ei han detg quei ch'ei da dir
3.36
text e musica
Alexi Nay e Marcus Hobi