Il bab lez ei scrinari, in um stimau e respectau
La mumm’ei ina femna sco ei ha da rar aunc dau
Il fegl vess bein duiu dar zatgei sco’i s’auda
Fatg matura veva el «summa cum laude»
Mo la veta ei savens curios’ed embrugliada
Schegie ch’il fegl ei staus treis stads
Tier la mumm’armada
Ha el, tgi vess tertgau quei lu
Purtau als ses nuot auter che zanur
Els van strusch pli ord casa, gie els seturpegian fetg
Lur fegl ei numnadamein – hai jeu aunc buc detg
Quei pauper gianter ei mistral
Sche quei ei buc in ver scandal
Vess el mo tedlau sin sia mumma
A tuts vess el spargnau tala vergugna
EI va entuorn e fa da grond
Pir ch’el fuss aunc in affon
La mumma bragi’e scrol’il tgau
Zatgei aschia ha’lIa bein buc meritau
EI fa caner’igl ei banal
Che gie tut sappi, ah quei ei uss il mistral
Els han aunc treis feglias e quellas fan honur
La vegli’ei maridada, jeu creigel cun in pur
La secunda va schizun cun in studiau
Els spetgan mo ch’el hagi doctorau
La tiarza fa buc prescha cun amur e maridems
Ella careza biars ed enconuscha ils flattems
Mo ins sto dir sch’ins ei sincers
Ch’ella gudogna fetg fetg bia daners
Mo il sulet fegl ei e resta in sturnel
Per el eisi impurtont ch’ei greschien si cun el
Si cun el, giu cun tschel, si cun el, giu cun tschel
Mo tgei vul far, el ei mistral
E quei ei bein in sbagl fatal
Quei ch’el fageva avon onns aunc ella caultscha
Drov’el per far plaids cun bia bahaultscha (la buora)
E da Cumin sin siu cavagl
Salid’el mintga buobanagl
Mo elegius in di pli tard
Salida el mo quels ch’ein stai da sia vart
Na schei er vus, ei quei normal
Ord quel dat ei mai zatgei, quel resta mo mistral
